தோனி பெயரில் ஜெர்ஸி: அன்பைப் பகிர்ந்த பாக். ரசிகர்

தங்கள் நாட்டு கிரிக்கெட் அணியின் ஜெர்ஸி ஆடையில் தோனி பெயர் பதிவிட்டதை பாகிஸ்தான் ரசிகர் ஒருவர் சமூக வலைதளத்தில் பகிர்ந்துள்ளார்.

உலகக்கோப்பை தொடரில் பங்கேற்பதற்காக இந்திய அணி இங்கிலாந்து சென்றுள்ளது. இந்திய கிரிக்கெட் வீர்ர் தோனிக்கு இந்தியா மட்டுமல்லாது பிற நாடுகளிலும் ரசிகர்கள் அதிகம். அதனை மீண்டும் உறுதிப்படுத்தும் வகையில் ரசிகர் ஒருவர் பதிவு ஒன்றை வெளியிட்டுள்ளார்.

பாகிஸ்தானைச் சேர்ந்த ஷேசாத் உல் ஹசான் என்ற ரசிகர் தங்கள் நாட்டு கிரிக்கெட் அணியின் ஜெர்ஸி ஆடையில் தோனியின் பெயர், எண் 7 என்று எழுதப்பட்ட ஆடையை வாங்கி, அதனை தனது ட்விட்டர் பக்கத்தில் பதிவிட்டார்.

இதனைத் தொடர்ந்து இந்திய ரசிகர்கள் பலரும் அவருக்கும் இந்தியா - பாகிஸ்தான் பகைமை கடந்து வாழ்த்து தெரிவித்துள்ளனர்.

அவரை விமர்சித்த இந்திய ரசிகர்களுக்கு, ''தோனி இங்கு அதிகம் பேரால் விரும்பப்படுகிறார்'' என்று ஹசான் பதில் அளித்துள்ளார்.