ஆர்.கே.நகரில் திமுக வேட்பாளராக போட்டியிட்ட மருதுகணேஷின் கட்சி பதவி பறிப்பு

ஆர்.கே.நகரில் நடந்த இடைத்தேர்தலில் திமுக சார்பில் வேட்பாளராக அறிவிக்கப்பட்டவர் என்.மருதுகணேஷ். இவர், ஆர்.கே.நகர் கிழக்குப் பகுதி திமுக செயலாளராகவும் பணியாற்றி வந்தார்.

முதல்முறையாக அறிவிக்கப்பட்ட இடைத்தேர்தல் ரத்து செய்யப்பட்ட நிலையில், 2-வது முறையாக தேர்தல் அறிவித்தபோதும், மீண்டும் இவரையே வேட்பாளராக திமுக அறிவித்தது. இந்த இடைத்தேர்தலில் திமுக தோல்வியடைந்தது. இந்நிலையில், மருதுகணேஷின் கட்சிப் பதவி பறிக்கப்பட்டுள்ளது. இது தொடர்பாக திமுக பொதுச்செயலாளர் அன்பழகன் வெளியிட்ட அறிவிப்பு: ‘‘ஆர்.கே.நகர் கிழக்கு பொறுப்பாளர் மருதுகணேஷ் விடுவிக்கப்பட்டு, வெ.சுந்தர்ராஜன் நியமிக்கப்படுகிறார். அர்.கே.நகர் மேற்கு பகுதி திமுக செயலாளர் ஏ.டி.மணி விடுவிக்கப்பட்டு, அவருக்கு பதிலாக சா.ஜெபதாஸ் பாண்டியன் நியமிக்கப்படுகிறார்’’ என்று கூறப்பட்டுள்ளது.