வடகிழக்கு பருவமழை முடிவுக்கு வந்தது: 1876-க்குப் பிறகு மோசமான வறட்சி

சென்னை வானிலை ஆய்வு மைய இயக்குநர் எஸ்.பாலசந் திரன் நேற்று நிருபர்களிடம் கூறியதாவது: வடகிழக்கு பருவ மழையானது, தமிழகம், ஆந்திரம், கர்நாடகம், கேரளா ஆகிய மாநிலங் களில் இருந்து விலகிவிட்டதாக அறிவிக்கப்படுகிறது. கடந்த ஆண் டில் வடகிழக்கு பருவமழையை பொறுத்தவரை தமிழகம் மற்றும் புதுச்சேரியில் இயல்பை விட 62% குறைவாக பெய்துள்ளது. கடந்த 142 ஆண்டுகளை எடுத்துக் கொண்டால், 1876-ம் ஆண்டு வடகிழக்கு பருவமழை காலத்தில் 63% குறைவாக மழை பெய்ததே, அதிகபட்ச மழை குறைவாக உள்ளது.

கடந்த அக்டோபர் மாதத்தை பொறுத்தவரை இயல்பை விட 64% குறைவாகவும், நவம்பர் மாதம் 80% குறைவாகவும், டிசம்பர் மாதம் 24% குறைவாகவும் மழை பெய்துள்ளது.

கடந்த ஓராண்டில் பெய்த மழை அளவை பொறுத்தவரை, இயல்பை விட 41% குறைவாக மழை பெய்துள்ளது.

2016-ம் ஆண்டு வடகிழக்கு பருவமழையை பொறுத்தவரை, தமிழகத்தில் 26 மாவட்டங்களில் 50 சதவீதத்துக்கு மேல், இயல்பை விட மழை குறைவாக பெய்துள்ளது. அதிகபட்சமாக கடலூர், புதுச்சேரி, நாமக்கல் மாவட்டங்களில் 81 சதவீதம் இயல்பை விட மழை குறைவாக பெய்துள்ளது.

இவ்வாறு அவர் கூறினார்.