அதிமுகவுக்கு மக்கள் தகுந்த பாடம் புகட்டுவார்கள்: குஷ்பு

அதிமுகவினருக்கு மக்கள் தகுந்த பாடம் புகட்டுவார்கள் என்று காங்கிரஸ் தேசிய செய்தித் தொடர்பாளர் குஷ்பு கூறியுள்ளார்.

தமிழகத்தில் தஞ்சாவூர், அரவக்குறிச்சி தவிர 232 தொகுதிகளிலும் காலை 7 மணிக்கு வாக்குப்பதிவு தொடங்கியது.

சென்னை மந்தைவெளியில் குஷ்பு வாக்களித்தார். அதற்குப் பிறகு செய்தியாளர்களிடம் குஷ்பு கூறுகையில், ''தேர்தல் தோல்வி பயத்தால் அதிமுகவினர் பணப்பட்டுவாடாவில் ஈடுபட்டுள்ளனர்.

இந்த தேர்தல் மூலம் மக்கள் அவர்களுக்கு தகுந்த பாடம் புகட்டுவார்கள்'' என்று கூறினார்.