கைக்கு எட்டிய பதக்கத்தை நழுவவிட்ட தமிழக வீரர்

ஆசிய விளையாட்டுப் போட்டி யின் 10 ஆயிரம் மீட்டர் ஓட்டப் பந்தயத்தில் கைக்கு எட்டிய வெண் கலப் பதக்கத்தை தமிழக வீரர் ஜி. லட்சுமணன் நழுவவிட்டார்.

நேற்று ஆடவருக்கான 10 ஆயி ரம் மீட்டர் ஒட்டப்பந்தயம் நடை பெற்றது. இதன் இறுதிச் சுற்றுக்கு இந்தியா சார்பில் தமிழகத்தைச் சேர்ந்த ஜி. லட்சுமணன் உள்பட 13 பேர் தகுதி பெற்றிருந்தனர்.

இதில் பஹ்ரைன் வீரர் ஹசன் சானி 28 நிமிடம் 35:54 விநாடிகளில் பந்தய தூரத்தை கடந்து தங்கப் பதக்கத்தைத் தட்டிச் சென்றார். மற்றொரு பஹ்ரைன் வீரர் ஆப்ர ஹாம் செரோபென் 29 நிமிடம் 00:29 விநாடிகளில் பந்தய தூரத்தை எட்டி வெள்ளிப் பதக்கத்தைக் கைப்பற்றினார். தமிழக வீரர் லட்சுமணன் 29 நிமிடம் 44:91 விநாடிகளில் கடந்து 3-வது இடம் பிடித்தார்.

ஆனால் போட்டியின்போது லட்சுமணன் தனது டிராக்கிலிருந்து மாறி தடத்துக்கு வெளியே கால் வைத்ததால் தகுதியிழப்பு செய்ததாக அறிவிக்கப்பட்டார். இதனால் அவர் 3-வது இடம் பிடித்தும் பதக்கம் வெல்ல முடியாமல் போய்விட்டது.

இதைத் தொடர்ந்து, 4-ம் இடம் பிடித்த சீனாவின் சாங்காங் ஷாவோ வெண்கலப் பதக்கம் வென்றதாக அறிவிக்கப்பட்டார்.