இறுதிப்போட்டியில் ஆஸ்திரேலியா

முத்தரப்பு டி 20 தொடரில் இங்கிலாந்து அணிக்கு எதிரான ஆட்டத்தில் வெற்றி பெற்ற ஆஸ்திரேலிய அணி 7 விக்கெட்கள் வித்தியாசத்தில் வெற்றி பெற்றது.

மெல்பர்னில் நேற்று நடைபெற்ற இந்த ஆட்டத்தில் முதலில் பேட் செய்த இங்கிலாந்து 20 ஓவர்களில் 7 விக்கெட்கள் 137 ரன்கள் சேர்த்தது. டாப் ஆர்டர் வீரர்களான அலெக்ஸ் ஹெல்ஸ் 3, ஜேசன் ராய் 8, டேவிட் மலான் 10 ரன்களில் வெளியேற 4 ஓவர்களில் 34 ரன்களுக்கு 3 விக்கெட்களை இழந்த இங்கிலாந்து அணி அதன் பின்னர் சரிவில் இருந்து மீளவில்லை. அதிகபட்சமாக ஜாஸ் பட்லர் 46, சேம் பில்லிங்ஸ் 29, ஜேம்ஸ் வின்ஸ் 21 ரன்கள் சேர்த்தனர். ஆஸ்திரேலியா தரப்பில் ரிச்சர்ட்சன் 3 விக்கெட்கள் கைப்பற்றினார்.

138 ரன்கள் இலக்குடன் பேட் செய்த ஆஸ்திரேலியா 14.3 ஓவர்களில் 3 விக்கெட்களை மட்டும் இழந்து வெற்றி பெற்றது. மேக்ஸ்வெல் 39, டார்சி ஷார்ட் 36, கிறிஸ்லின் 31 ரன்கள் சேர்த்தனர். ஹாட்ரிக் வெற்றியை பதிவு செய்த ஆஸ்திரேலிய அணி இறுதிப் போட்டிக்கு தகுதி பெற்றது.