விம்பிள்டன் டென்னிஸ் போட்டி ஆண்டி முர்ரே, கெர்பர் முன்னேற்றம்

விம்பிள்டன் டென்னிஸ் போட்டியின் 3-வது சுற்று போட்டியில் இங்கி லாந்து வீரர் ஆண்டி முர்ரே, ஜெர்மனி வீராங்கனை கெர்பர் ஆகியோர் வெற்றி பெற்று 4-வது சுற்றுக்கு முன்னேறினர்.

கிராண்ட் ஸ்லாம் டென்னிஸ் போட்டிகளில் முக்கியமானதாக கருதப்படும் விம்பிள்டன் டென் னிஸ் போட்டிகள் தற்போது லண் டனில் நடந்து வருகின்றன. இதில் ஆடவருக்கான ஒற்றையர் பிரிவில் நேற்று முன்தினம் நடந்த 3-வது சுற்று ஆட்டத்தில் இங்கிலாந்து வீரரான ஆண்டி முர்ரே, இத்தாலி வீரரான பாபியோ போகினியை எதிர்த்து ஆடினார்.

நடப்பு சாம்பியனான ஆண்டி முர்ரே, இப்போட்டியில் எளிதில் வெற்றி பெறுவார் என்று எதிர்பார்க்கப்பட்டிருந்தது. ஆனால் அதற்கு நேர்மாறாக முர்ரேவுக்கு போகினி கடும் சவாலாக விளங் கினார். முதல் செட்டை 2-6 என்ற புள்ளிக்கணக்கில் எளிதாக இழந்த போஜினி, அடுத்த செட்டை 6-4 என்ற புள்ளிக்கணக்கில் வென் றார். இதற்கடுத்த செட்டை முர்ர்ரே 6-1 என்ற கணக்கில் கைப்பற்றி னார். இதனால் 4-வது செட் கடும் போட்டியைக் கொண்டதாக இருந்தது. இதில் கடுமையாக போராடிய முர்ர்ரே 7-5 என்ற புள்ளிக் கணக்கில் அதைக் கைப்பற்றினார். இதைத் தொடர்ந்து 6-2, 4-6, 6-1, 7-5 என்ற செட்கணக்கில் வென்று 4-வது சுற்று போட்டிக்கு முன்னேறினார். 4-வது சுற்றில் அவர், பினோட் பைரை எதிர்த்து ஆடவுள்ளார்.

இப்போட்டி குறித்து நிருபர்க ளிடம் கூறிய முர்ரே, “நான் இன் றைய போட்டியில் சிறப்பாக ஆடியதாக கருதவில்லை. இருப் பினும் இதில் போராடி வெற்றி பெற்றது மகிழ்ச்சி அளிக்கிறது. பாபியோ போகினியின் ஆட்டம் மிகச் சிறப்பாக இருந்தது. அவரை வெல்ல கடுமையாக போராட வேண்டி இருந்தது. போதாததற்கு மைதானம் ஒரே சீராக இல்லாததால் ஆடுவது கடினமாக இருந்தது” என்றார்.

மகளிர் பிரிவில் நேற்று நடந்த 3-வது சுற்றுப் போட்டியில் ஸ்பெயின் வீராங்கனை கார்பைன் முகுருசா, ருமேனியாவின் சொரானா சிர்ஸ்டி யாவை எதிர்த்து ஆடினார். இப்போட்டியில் முகுருசா 6-2, 6-2 என்ற நேர் செட்களில் வெற்றி பெற்றார். இந்த ஆட்டம் 1 மணி 10 நிமிடங்களில் முடிந்தது. மற்றொரு 3-வது சுற்றுப் போட்டியில், உலகின் முதல் நிலை டென்னிஸ் வீராங்க னையான ஏஞ்சலிக் கெர்பர் 4-6, 7-6, 6-4 என்ற செட்கணக்கில் அமெரிக்காவின் ஷெல்பி ரோஜர்ஸை போராடி வென்றார்.