Published : 17 Jul 2018 10:55 AM
Last Updated : 17 Jul 2018 10:55 AM
மிதமான வெப்பமண்டலப் பகுதிகளில் வாழக்கூடிய இந்த மீனின் பெயர் ‘மொப்யூலா ரே’. தமிழில், திருக்கை மீன் என்றழைக்கப்படும் இதன் ஆயுட்காலம் 40–50 ஆண்டுகள். இறகுகள் போன்ற துடுப்புகள் 17 அடி வரை பிரம்மாண்டமாக வளரக்கூடியவை. கடல் மட்டத்துக்கு மேல் 6 அடி வரை தாவக்கூடிய இயல்புடையவை. அறிவியலாளர்களுக்கு இந்த வினோதமான தாவல்கள் இப்போதும் மர்மமானதாகவே இருக்கின்றன. தாவல்களுக்கு நிகராக நீந்துவதிலும் இவை கில்லாடிகள். ஒரு குறிப்பிட்ட காலகட்டத்தில் கூட்டமாகச் சந்தித்திக்கொள்ளும் வழக்கம் திருக்கைகளுக்கு உண்டு. சமீபத்தில், கலிஃபோர்னியா வளைகுடா பகுதியில் வரலாறு காணாத சந்திப்பை நிகழ்த்தியிருக்கின்றன. லட்சக்கணக்கான திருக்கைகள் ஒருசில நொடிகளில் ஒன்றுகூடி, தமது சாகசங்களைக் காட்டிவிட்டு அடுத்த சில நொடிகளில் மறைந்துவிட்டன.
Sign up to receive our newsletter in your inbox every day!
WRITE A COMMENT