நகரங்களின் தரத்தை நிர்ணயிக்கும் வாழ்நிலைக் குறியீட்டெண்!

இதில், நகரங்களுக்குப் புத்துயிர் ஊட்டும் ‘அம்ருத்’, ‘ஸ்மார்ட் சிடி’, ‘பிரதான் மந்திரி ஆவாஸ் யோஜனா’ ஆகிய திட்டங்கள் மூலம் நகரம் அடைந்துள்ள வளர்ச்சியும் மாற்றங்களும் பதிவுசெய்யப்படும். நகரங்களில் நிலவும் போக்குவரத்து வசதி, தூய்மை, கழிவுகள் அகற்றல், பொழுதுபோக்கு அம்சங்கள், மின்சாரம், குடிநீர், சாலைகள், நகரப் போக்குவரத்து, போக்குவரத்து அமைப்புகளிடையே ஒருங்கிணைவு, கல்வி வசதி, வணிகம், அரசு நிர்வாகம், நகராட்சி நிர்வாகம், நகரின் நிலம்- நீர்- காற்று ஆகியவற்றில் நிலவும் மாசுகள், குடியிருப்புக்கேற்ற வீடுகள், மக்களுக்கும் உடைமைகளுக்கும் கிடைக்கும் பாதுகாப்பு, வேலைவாய்ப்பு, மக்களிடையே சமூக உறவுகள், கலாச்சாரம் என்று அனைத்து அம்சங்களும் கணக்கில் கொள்ளப்படும்.

இந்த அம்சங்கள் முதலில் 15 வகைகளாகப் பிரிக்கப்படும். அவற்றிலிருந்து 79 அடையாளங்கள் நகரின் வாழ்நிலைக் குறியீடுகளாகப் பகுக்கப்படும். நிறுவனரீதியாகவும் சமூக, பொருளாதார, கட்டமைப்புரீதியாகவும் குறியீட் டெண் மதிப்பிடப்படும். இதற்கான கட்டமைப்பும் வரையறைக்கப்பட்டுவரு கிறது. குறைபாடுள்ள அம்சங்களை மேம்படுத்துவதற்கான வழிகளும் கையாளப்படும். ஆண்டுதோறும் ஜூன் மாதம் இந்த வாழ்நிலைக் குறியீடு வெளியிடப்படும்!