துபாய் சிறையில் 7 குமரி மீனவர்கள்

கன்னியாகுமரி மாவட்டம் கடியப்பட்டணத்தைச் சேர்ந்த மரியஜான், குளச்சல் பகுதியைச் சேர்ந்த ஜெரோம், ஜான்சன், ஜெகிஸ்கான், அனந்து, சகாபினு ஸ்டீபன், அருண்சிங் ஆகியோர் கத்தார் நாட்டில் வஹ்ரா பகுதியில் தங்கி, மீன்பிடி தொழில் செய்து வந்தனர்.

கடந்த 18-ல், ஜாசிம் அகமது என்பவரது, ‘அல்பிலாத்’ எனும் படகில் மீன்பிடிக்க சென்றனர். அப்போது எல்லை தாண்டியதாக, துபாய் கடற்படையால் 7 பேரும் கைது செய்யப்பட்டனர்.

7 பேரையும் மீட்க, சர்வதேச மீனவர் வளர்ச்சி அறக்கட்டளை சார்பில், கத்தார் இந்திய தூதரகத்திடம் கோரப்பட்டது. மீனவர்களை மீட்க நடவடிக்கை தொடங்கியுள்ளதாக அப்போது தூதரக அதிகாரிகள் கூறினர்.