நாளை என்ற ஒன்று இல்லை என்பது போல் கொண்டாடுங்கள்: ஆஸி. வெற்றியைக் கொண்டாடும் குரல்கள்

2004-க்குப் பிறகு இந்திய மண்ணில் முதல் வெற்றியைச் சாதித்த ஆஸ்திரேலிய அணியின் வெற்றி குறித்து முன்னாள், இந்நாள் வீரர்கள் தங்கள் பாராட்டுகளை தெரிவித்து வருகின்றனர்.

இவர்களில் சிலர் தங்கள் ட்விட்டர் பக்கங்களில் பதிவிட்டுள்ளவை:

மிட்செல் ஜான்சன்: ஸ்டீவ் ஓகீஃப் பந்து வீச்சை ‘ஸ்டெடி’ என்றார் இந்திய பயிற்சியாளர். வெல்டன் ‘ஸ்டெடி ஸ்டீவ் ஓகீஃப்’

மைக்கேல் கிளார்க்: வீரர்களுக்கு வாழ்த்துக்கள், அபாரமான ஆட்டம்!

ஆடம் கில்கிறிஸ்ட்: அருமை ஆஸ்திரேலியா! நாளை என்ற ஒன்று இல்லாதது போல் கொண்டாடுங்கள்! பிறகு அடுத்த டெஸ்டில் கவனம் செலுத்துங்கள்.

மார்க் வாஹ்: புனேயில் என்னவொரு அருமையான வெற்றி! இந்தக் கணத்தை மகிழ்வுடன் கொண்டாடுங்கள், சிறப்பான ஒன்றின் தொடக்கம் இது.

ஷேன் வாட்சன்: புனேயில் அசைக்க முடியாத ஆஸியின் ஆட்டம். ஸ்டீவ் ஓகீஃப் பவுலிங்கில் மகிழ்ச்சி. அவர் இதற்காக கடினமாக உழைத்துள்ளார். ஸ்டீவ் ஸ்மித் அருமையான சதம் கூட.

பீட்டர் சிடில்: வெற்றி முழக்கத்தை உரத்த குரலில் பாடுங்கள்!

மைக்கேல் வான்: ஸ்டீவ் ஸ்மித்தின் சதம் அனைத்து காலங்களிலும் சிறந்த சதமாக பதிவுறும். இந்திய கடற்கரை மணல் பிட்சில் அஸ்வினுக்கு எதிராக சதம் எடுப்பது சுலபமல்ல.

டாம் மூடி: சவாலான பிட்சில் என்னவொரு தனிச்சிறப்பான ஆட்டம்!

சேவாக்: நல்ல நண்பர்கள் கடினமான காலங்களையும் எளிதாக்குவர். தோல்வி ஏமாற்றமே! நீங்கள் நல்ல நண்பர்தானா? நல்ல நண்பராக இருப்பதற்கான நேரம், இந்திய அணியை ஆதரிக்க வேண்டிய நேரம்.

ஃபவாத் அகமது: நீங்கள் வைத்த பொறியில் நீங்களே சிக்கியுள்ளீர்கள் இந்தியா! என்னவொரு அருமையான வெற்றி, மகிழுங்கள் வீரர்களே, ஆஸ்திரேலியா நீ அருமை.