தந்தை வழியில் மகன்: ராகுல் திராவிட் வாரிசு சமித் அடித்த வெற்றிச் சதம்

சச்சின் மகன் அர்ஜுன் தற்போது ராகுல் திராவிட் மகன் சமித் ஆகியோர் தந்தையர் கிரிக்கெட் வழியில் அடியெடுத்து வைத்துள்ளனர். அதே போல் சுனில் ஜோஷி மகன் ஆர்யன் ஜோஷியும் தன் தந்தை வழியில் கிரிக்கெட் உலகில் அடியெடுத்து வைத்துள்ளார்.

கர்நாடகா மாநில கிரிக்கெட் சங்க பிடிஆர் கோப்பை யு-14 கிரிக்கெட் போட்டி ஒன்றில் திராவிட் மகன் சமித் 150 ரன்களை எடுத்து தன் அணியான மல்லையா அதிதி இண்டெர்நேஷனல் பள்ளிக்கு 412 ரன்கள் வித்தியாச வெற்றியைப் பெற்றுத்தந்தார். விவேகானந்தா பள்ளி அணிக்கு எதிராக இந்த வெற்றியைப் பெற்றுத்தந்தார்

ராகுல் திராவிட் தற்பொது நியூஸிலாந்தில் யு-19 உலகக்கோப்பை இந்திய அணிக்கு பயிற்சி அளித்து வருகிறார். திராவிட் மகன் சமித் மட்டுமல்ல இதே போட்டியில் முன்னாள் இடது கை இந்திய வீச்சாளர் சுனில் ஜோஷியின் மகன் ஆர்யன் ஜோஷியும் 154 ரன்கள் எடுத்தார், இவரும் சமித்தும் இணைந்து பெரிய கூட்டணி அமைக்க மல்லையா அதிதி பள்ளி 50 ஓவர்களில் 5 விக்கெட்டுகள் இழப்புக்கு 500 ரன்கள் குவித்தது.

சமித், ஆர்யன் ஜோஷி சாத்துமுறைக்குப் பிறகு விவேகானந்தா ஸ்கூல் அணியை வெறும் 88 ரன்களுக்குச் சுருட்டினர்.

2015-ம் ஆண்டு யு-12 கோபாலன் கிரிக்கெட் தொடரில் சமித் சிறந்த பேட்ஸ்மெனாகத் தேர்வு செய்யப்பட்டார்.