Published : 19 Aug 2017 08:39 PM
Last Updated : 19 Aug 2017 08:39 PM

டி20-யில் முதல் விக்கெட்டுக்காக புதிய சாதனை: கென்ட் தொடக்க வீரர்கள் அதிரடி

இங்கிலாந்தின் நாட்வெஸ்ட் டி20 பிளாஸ்ட் தொடரில் கென்ட் அணியின் தொடக்க வீரர்களான ஜோ டென்லி மற்றும் டேனியல் பெல்-டிரம்மண்ட் ஆகியோர் முதல் விக்கெட்டுக்காக அதிக ரன்கள் குவித்து உலக சாதனை புரிந்துள்ளனர்.

எசக்ஸ் அணிக்கு எதிராக செம்ஸ்போர்டில் நடைபெற்ற இந்த ஆட்டத்தில் டென்லி- டேனியல் பெல் ஜோடி முதல் விக்கெட்டுக்காக 207 ரன்களைக் குவித்து புதிய டி20 சாதனை நிகழ்த்தினர்.

ரன்கள் அளவில் இந்தச் சாதனை 3-ம் இடத்தில் உள்ளது, தொடக்க விக்கெட்டுக்காக இவர்கள் சாதனை புரிந்தாலும் ஏபி டிவில்லியர்ஸ், விராட் கோலி கூட்டணி 2-வது விக்கெட்டுக்காக ஐபிஎல் கிரிக்கெட்டில் இருமுறை 200 ரன்களுக்கும் மேல் சேர்த்துள்ளனர்.

இந்த ஆட்டத்தில் டென்லி 66 பந்துகளில் 127 ரன்களையும் பெல்-ட்ரம்மண்ட் 80 ரன்களையும் எடுத்தனர்.

இத்தனைக்கும் எசக்ஸ் அணியில் மொகமது ஆமீர் வீசினார், ஆனால் டென்லி புரட்டி எடுத்து 27 பந்துகளில் அரைசதம் எட்டினார். இந்தப் போட்டியில் எசக்ஸ் அணி 11 ரன்கள் வித்தியாசத்தில் தோல்வி தழுவியது.

FOLLOW US

Sign up to receive our newsletter in your inbox every day!

WRITE A COMMENT
 
x