ரைசிங் புனே சூப்பர் ஜெயண்ட்ஸ் அணியில் ஜார்ஜ் பெய்லி

காயத்தினால் முன்னணி வீரர்களை இழந்துள்ள தோனி தலைமை புனே சூப்பர் ஜெயண்ட்ஸ் அணிக்கு வலுசேர்க்க மற்றொரு ஆஸ்திரேலிய வீரர் ஜார்ஜ் பெய்லி தற்போது அழைக்கப்பட்டுள்ளார்.

காயமடைந்து விலகிய டு பிளெசிஸுக்குப் பதிலாக ஜார்ஜ் பெய்லி தற்போது அழைக்கப்பட்டுள்ளார்.

ஸ்டீவ் ஸ்மித், கெவின் பீட்டர்சன், டு பிளெசிஸ், மிட்செல் மார்ஷ் ஆகிய முன்னணி வீரர்களை காயம் காரணமாக இழந்த புனே அணி தற்போது ஆஸ்திரேலிய வீரர்கள் ஜார்ஜ் பெய்லி மற்றும் உஸ்மான் கவாஜாவை அழைத்துள்ளது.

கடந்த ஐபிஎல் கிரிக்கெட் தொடரில் கிங்ஸ் லெவன் அணியின் கேப்டனாக செயல்பட்ட ஜார்ஜ் பெய்லி, இம்முறை ஐபிஎல் ஏலத்தில் புறக்கணிக்கப்பட்டார் என்பது குறிப்பிடத்தக்கது.

பெய்லி புனே அணியை அதன் இடர்பாடுகளிலிருந்து விடுவிப்பாரா என்பதை பொறுத்திருந்துதான் பார்க்க வேண்டும்.