ஐபிஎல் கிரிக்கெட் தொடர்: ஐதராபாத் - மும்பை இன்று மோதல்

ஐபிஎல் கிரிக்கெட் தொடரில் ஐதராபாத்தில் இன்று நடக்கும் போட்டியில் மும்பை மற்றும் ஐதராபாத் அணிகள் மோதுகின்றன.

நேற்று முன்தினம் நடந்த போட்டியில் கடைசி பந்தில் குஜராத்திடம் வெற்றியை பறிகொடுத்த மும்பை அணி, இன்றைய போட்டியில் எப்படியும் வென்றாக வேண்டும் என்ற வெறியுடன் களம் இறங்குகிறது. அந்த அணியைப் பொறுத்தவரை மிகப்பெரிய ஸ்கோரை அடிக்க கேப்டன் ரோஹித் சர்மாவையே பெரிதும் சார்ந்துள்ளது. மெக்லினாகன், ஹர்திக் பாண்டியா, பொலார்ட், ஜோஸ் பட்லர், ராயுடு ஆகியோர் இன்னும் சிறப்பாக ஆடினால்தான் அந்த அணியை கரைசேர்க்க முடியும் என்ற நிலை உள்ளது.

யுவராஜ் சிங், கேன் வில்லியம்சன், நெஹ்ரா போன்ற நட்சத்திர வீரர்கள் காயம் காரணமாக வெளியில் இருப்பதால் துவண்டு போயிருக்கும் ஐதராபாத் அணி இதுவரை 2 போட்டிகளில் தோற்றுள்ளது. தொடக்க ஆட்டக்காரரான ஷிகர் தவண், சிறப்பான ஆட்டத்தை வெளிப்படுத்தாததும் அந்த அணிக்கு பின்னடைவை ஏற்படுத்தியுள்ளது. இந்நிலையில் மோர்கன், டேவிட் வார்னர், நமன் ஓஜா, ஹென்ரிக்கஸ் ஆகியோரின் பேட்டிங் வலிமையை நம்பி ஐதராபாத் அணி இன்று களம் இறங்குகிறது. ஐபிஎல் தொடரில் அடுத்த கட்டத்துக்கு முன்னேற 2 அணிகளுக்கும் இன்றைய போட்டியில் வெல்வது முக்கியமாகும்.