ஆஸி.க்கு எதிரான முதல் 2 டெஸ்ட் போட்டிகளுக்கு இந்திய அணியில் மாற்றமில்லை

ஆஸ்திரேலியாவுக்கு எதிரான 4 டெஸ்ட் போட்டிகள் கொண்ட தொடருக்கு முதல் 2 டெஸ்ட் போட்டிகளுக்கான அணியில் இந்தியா எந்தவித மாற்றமும் செய்யவில்லை. அதே 16 வீரர்கள் கொண்ட அணியை தக்கவைத்தது.

பிசிசிஐ தரப்பிலிருந்து அறிக்கை எதுவும் இல்லாததாலும், செய்தியாளர்கள் சந்திப்பு இல்லாததாலும் ரோஹித் சர்மா, மொகமது ஷமி, அமித் மிஸ்ரா ஆகியோர் காயத்திலிருந்து இன்னமும் குணமடையவில்லை என்று தெரிகிறது.

வங்கதேசத்துக்கு எதிராக டெஸ்ட் போட்டியை வென்ற பிறகு 3 அணித் தேர்வாளர்கள் கூடி இந்த முடிவை எடுத்துள்ளனர்.

அணி விவரம்:

விராட் கோலி (கேப்டன்), அஸ்வின், ஜடேஜா, புவனேஷ் குமார், அபினவ் முகுந்த், கருண் நாயர், ஹர்திக் பாண்டியா, புஜாரா, ரஹானே, ராகுல், சஹா, இசாந்த் சர்மா, முரளி விஜய், ஜெயந்த் யாதவ், உமேஷ் யாதவ், குல்தீப் யாதவ்.