அமெரிக்க ஓபன் டென்னிஸ் 2-வது சுற்றில் செரீனா, ஆன்டி முர்ரே

அமெரிக்க ஓபன் டென்னிஸ் போட்டியில் செரீனா வில்லியம்ஸ், ஆன்டி முர்ரே ஆகியோர் 2-வது சுற்றுக்கு முன்னேறினர்.

நியூயார்க்கில் நடைபெற்று வரும் இந்த போட்டியில் ஆடவருக் கான ஒற்றையர் பிரிவு முதல் சுற்று ஆட்டத்தில் 2-ம் நிலை வீரரான இங்கிலாந்தின் ஆன்டி முர்ரே 6-3, 6-2, 6-2 என்ற நேர் செட்டில் 81-வது இடத்தில் உள்ள செக் குடியரசின் லூக்காஸ் ரசோலை வீழ்த்தி 2-வது சுற்றுக்கு முன்னேறினார்.

டெல் போட்ரோ வெற்றி

3-ம் நிலை வீரரான சுவிட்சர் லாந்தின் வாவ்ரிங்கா 7-6, 6-4, 6-4 என்ற செட் கணக்கில் ஸ்பெயினின் பெர்னான்டோ வெர்டஸ்கோவை யும், ஜப்பானின் நிஷி கோரி 6-1, 6-1, 3-6, 6-3 என்ற செட் கணக்கில் ஜெர்மனியின் பென்ஜமின் பெக்கரையும், 8-ம் நிலை வீரரான ஆஸ்திரியாவின் டோமினின் தியம் 6-3, 2-6, 5-7, 6-4, 6-3 என்ற செட் கணக்கில் ஆஸ்திரேலியாவின் ஜான் மில்மானையும் போராடி வீழ்த்தி 2-வது சுற்றில் நுழைந்தனர்.

ரியோ ஒலிம்பிக்கில் முன்னணி வீரர்களை கலங்கடித்த அர்ஜென்டினாவின் ஜூயன் மார்ட்டின் டெல் போட்ரோ தனது முதல் சுற்றில் 6-4, 6-4, 7-6 என்ற நேர் செட்டில் சகநாட்டை சேர்ந்த டிகோ ஸ்வார்ட்ஸ்மேனை வீழ்த்தினார்.

61 ஏஸ்கள்

ஆடவர் பிரிவில் குரோஷியா வின் இவோ கார்லோவிக் 4-6, 7-6, 6-7, 7-6, 7-5 என்ற செட் கணக்கில் தைவானின் லு யன் சனை வீழ்த்தி னார். இந்த ஆட்டத்தில் கார்லோவிக் 61 ஏஸ்கள் அடித்து சாதனை படைத்தார்.

அமெரிக்க ஓபனில் ஒரு ஆட்டத்தில் அதிகம் அடிக்கப்பட்ட ஏஸ்கள் இதுவாக அமைந்தது. இதற்கு முன்னர் 1999-ம் ஆண்டு நடைபெற்ற அமெரிக்க ஓபனில் நெதர்லாந்தின் ரிச்சர்டு கிரஜெக் 49 ஏஸ்கள் அடித்ததே சாதனையாக இருந்தது.

மகளிர் ஒற்றையர் பிரிவில் முதல் நிலை வீராங்கனையான அமெரிக் காவின் செரீனா வில்லியம்ஸ் 6-3, 6-3 என்ற நேர்செட்டில் 29-வது இடத்தில் உள்ள ரஷ்யாவின் கேத்ரினான மகரோவாவை வீழ்த்தினார். இந்த ஆட்டம் 1 மணி நேரம் 3 நிமிடங்கள் நடைபெற்றது.

4-ம் நிலை வீராங்கனையான போலந்தின் அக்னீஸ்கா ரன்வந்த்ஸ்கா, தகுதி நிலை வீராங்கனையான அமெரிக்காவின் ஜெஸிகா பெகுலாவை 6-1, 6-1 என்ற நேர் செட்டிலும், 5-ம் நிலை வீராங்கனையான ருமேனியாவின் சிமோனா ஹலப் 6-0, 6-2 என்ற நேர்செட்டில் பெல்ஜியத்தின் கிர்ஸ்டென் பிலிப்கென்ஸையும் வீழ்த்தி 2-வது சுற்றில் நுழைந்தனர்.

செரீனாவின் மூத்த சகோதரி யான வீனஸ் வில்லியம்ஸ் தனது முதல் சுற்றில் 6-2, 5-7, 6-4 என்ற செட் கணக்கில் உக்ரைனின் கேத்தர்யானா கோஸ்லோவாவை வீழ்த்தினார். இந்த ஆட்டத்தில் பங்கேற்றதன் மூலம் வீனஸ் வில்லியம்ஸ் புதிய சாதனை படைத்தார்.

கிராண்ட் ஸ்லாம் போட்டிகளில் வீனஸூக்கு இது 72-வது ஆட்ட மாகும். 36 வயதான அவர் இதன் மூலம் அதிக போட்டி களில் பங்கேற்றிருந்த சகநாட்டின் எமி பிரேசரின் சாதனையை முறியத்தார். பிரேசர் 71 கிராண்ட் ஸ்லாம் ஆட்டங்களில் பங்கேற்றி ருந்தார்.