கழிவுநீர்த் தொட்டியாகும் ஏரி!

700 ஏக்கர் பரப்பளவில் விரிந்திருக்கும் இந்த ஏரியில் நாளொன்றுக்கு 48 கோடி லிட்டர் கழிவுகள் சேர்கின்றன. கட்டுமானக் கழிவுகள், மாநகராட்சி கொட்டும் திடக் கழிவு என்று பல்வேறு கழிவுகள் கொட்டப்படுவதால் ஹைட்ரோபைட், மைக்ரோபைட்டுகள் என்று அழைக்கப்படும் நீர்த்தாவரங்கள் ஏரியில் அதிகமாகப் பரவியிருக்கின்றன. இதனால், நீரைத் தேக்கிவைக்கும் திறனை பெள்ளந்தூர் ஏரி வேகமாக இழந்துவருவதாக அக்குழு கூறியிருக்கிறது. அருகில் உள்ள வரத்தூர் ஏரி இதைவிட மோசம் என்கிறது அக்குழு. மத்திய - மாநில மாசுக்கட்டுப்பாட்டு வாரியங்கள் இணைந்து ஒரு குழுவை உருவாக்கி, இந்தப் பிரச்சினைக்குத் தீர்வுகாண வேண்டும் என்று தெரிவித்திருக்கும் இக்குழு, ஏரிப் பகுதியில் கண்காணிப்பு கேமராக்களைப் பொருத்தவும், தவறிழைப்பவர்களுக்கு அபராதம் விதிக்கவும் பரிந்துரைத்திருக்கிறது.