இவரைத் தெரியுமா?- தகாஹிரோ ஹசிகோ

ஹோண்டா மோட்டார் நிறுவனத்தின் தலைவர் மற்றும் தலைமைச் செயல் அதிகாரி. 2015-ம் ஆண்டு ஜூன் மாதத்திலிருந்து இந்த பொறுப்பில் உள்ளார்.

இதற்கு முன்பு நிறுவனத்தின் தலைமைச் செயல்பாட்டு அதிகாரி, இயக்குநர் உள்ளிட்ட பல முக்கிய பொறுப்புகளில் இருந்தவர்.

1982-ம் ஆண்டில் நிறுவனத்தில் சேசிஸ் டிசைன் இன்ஜினீயராக பணிக்குச் சேர்ந்தவர். ஹோண்டா ஆலை இயக்குநர், ஹோண்டா ஆராய்ச்சி மைய சிஇஓ என பல பொறுப்புகளை வகித்துள்ளார்.

நிறுவனத்தின் இரண்டாம் தலைமுறை சிஆர்-வி, ஓடிசி மினி வேன் போன்ற வாகனங்களின் மேம்பாட்டில் முக்கிய பங்காற்றியவர். ஸ்போர்ட்ஸ் கார் தயாரிப்பில் உலக அளவிலான சந்தையை உருவாக்கியவர்.

நிறுவனத்தின் அமெரிக்க, ஐரோப்பிய, சீனாவில் உள்ள துணை நிறுவனங்களின் தலைவராக பொறுப்பு வகித்தவர்.